ანტიფრიზი Mazda CX-5-ისთვის
CX-5 ბოლო წლების ერთ-ერთი ყველაზე გავრცელებული იმპორტია და თითქმის ყოველთვის Skyactiv-G ძრავით ჩამოდის. ამ ძრავის შეკუმშვის ხარისხი ბენზინისთვის უჩვეულოდ მაღალია, ანუ ალუმინის თავი უფრო ცხელ ზონაში მუშაობს. Mazda სახელით წერია Valvoline Zerex Asian Blue-ის ტექნიკურ ფურცელში.
ფოტოები მწარმოებლის ოფიციალური მასალებიდანაა.
სისტემის მოცულობა (ლიტრი) დაახლოებით 6-დან 8 ლიტრამდე
მაღალი შეკუმშვა და ყველაზე ცხელი წერტილი
რაც უფრო მაღალია შეკუმშვის ხარისხი, მით მეტი სითბო გამოიყოფა წვის კამერაში და მით მეტი დატვირთვა მოდის ცილინდრის თავზე. Skyactiv-G სწორედ ამ პრინციპზეა აგებული, რადგან მაღალი შეკუმშვა მისი ეკონომიურობის საფუძველია.
ალუმინის თავის ყველაზე ცხელ წერტილს ამოწმებს ASTM D4340 ტესტი. Valvoline Zerex Asian Blue-ის შედეგია 0.1 მგ/სმ²/კვირა, მაშინ როცა ნორმა 1.0-ს უშვებს, ანუ დაშვებულ ზღვარზე ათჯერ ნაკლები დანაკარგი.
ამ ზონაში ნალექს განსაკუთრებით ცუდი გავლენა აქვს, რადგან ის თბოიზოლატორივით მოქმედებს და ლითონს კიდევ უფრო აცხელებს. სწორედ ამიტომ ითხოვს Mazda სილიკატის გარეშე სითხეს.
მომწვანო ქარხნული სითხე და ცისფერი Zerex
მაზდას ქარხნული გრძელვადიანი სითხე მომწვანო ფერისაა, ჩვენი პროდუქტი კი ცისფერი. ტექნიკური ფურცელი პროდუქტს განსაზღვრავს იმ მანქანებისთვის, რომლებსაც ცისფერი ან მწვანე, სილიკატის გარეშე HOAT სჭირდებათ, ანუ ორივე ერთი ოჯახია.
სწორი მიდგომა მაინც სრული გამორეცხვაა და არა ძველ სითხეზე დამატება. ორი განსხვავებული პროდუქტის შერევის შემდეგ ვეღარასდროს გაიგებთ, რა დგას სისტემაში და როდის იწურება მისი რესურსი.
ერთი კანისტრა 50/50 გაზავებით 7.5 ლიტრს იძლევა. CX-5-ის სისტემა ექვსიდან რვა ლიტრამდეა, ამიტომ სრული გამორეცხვისას მარაგისთვის ორი აჯობებს.