Isuzu, Daihatsu, Daewoo და სხვა აზიური ბრენდები
Valvoline-ის ტექნიკური ფურცელი ცალკე ასახელებს Isuzu-ს, Daihatsu-სა და Dae Woo-ს. მწარმოებელი პროდუქტს ზოგადად რეკომენდაციას უწევს ყველა თანამედროვე აზიური ავტომობილისთვის, რომელიც ცისფერ ან მწვანე HOAT ქიმიას მოითხოვს.
ფოტოები მწარმოებლის ოფიციალური მასალებიდანაა.
როგორ შეამოწმოთ, გამოგადგებათ თუ არა
სამი კითხვა, რომელზეც პასუხი სახელმძღვანელოშია:
- რომელი ფერია მითითებული ქარხნული სითხისთვის, ცისფერი თუ მწვანე?
- წერია თუ არა, რომ სითხე უნდა იყოს სილიკატის გარეშე?
- მითითებულია თუ არა JIS K 2234 ან ASTM D3306?
თუ სამივეზე პასუხი დადებითია, ეს პროდუქტი შესაბამის ოჯახშია. თუ სახელმძღვანელო ვარდისფერს ან ნარინჯისფერს ითხოვს, არ გამოგადგებათ.
შენიშვნა დიზელის ძრავებზე
Isuzu-ს მძიმე დიზელური ძრავების ნაწილს, განსაკუთრებით სველგილზიანს, დამატებითი კავიტაციის დაცვა მოეთხოვება, ანუ SCA დანამატები ან ნიტრიტიანი ფორმულა. Zerex Asian Blue ნიტრიტების გარეშეა და მსუბუქი ავტომობილებისა და მსუბუქი დიზელის სისტემებისთვისაა განკუთვნილი.
თუ თქვენს სახელმძღვანელოში სველი გილზების კავიტაციის დაცვა წერია, გადაამოწმეთ ჩვენთან შეკვეთამდე. გვირჩევნია არ მოგყიდოთ, ვიდრე არასწორი სითხე მოგყიდოთ.