ანტიფრიზი Honda-სთვის
Honda ერთ-ერთი ყველაზე მკაცრი ავტომწარმოებელია ანტიფრიზის არჩევაში. სახელმძღვანელოში პირდაპირ წერია, რომ ცისფერი Type 2 არ უნდა აურიოთ მწვანე Type 1-ს, ვარდისფერს, ნარინჯისფერს ან ყვითელ „უნივერსალურს“. Zerex Asian Blue ზუსტად ის სითხეა, რასაც Honda ითხოვს: ცისფერი, სილიკატის გარეშე, ფოსფატიანი HOAT. Honda და Acura სახელით წერია მწარმოებლის ტექნიკურ ფურცელში.
ფოტოები მწარმოებლის ოფიციალური მასალებიდანაა.
რატომ არის ფოსფატი Honda-სთვის მნიშვნელოვანი
იაპონური სკოლა ალუმინის დასაცავად ფოსფატს იყენებს, ევროპული კი, G12 და G13 ტიპის სითხეები, ფოსფატის გარეშეა და სილიკატს ეყრდნობა. ფოსფატის უპირატესობა ისაა, რომ ის ალუმინის ზედაპირს ძალიან სწრაფად ფარავს დამცავი ფენით. ეს კრიტიკულია მაშინ, როცა ძრავა ცივი გაშვებიდან სამუშაო ტემპერატურაზე რამდენიმე წუთში გადადის.
სწორედ ამიტომ არის ევროპული ანტიფრიზი, რომელიც საქართველოში ყველაზე ხელმისაწვდომია, ჰონდასთვის არასწორი არჩევანი. ის უბრალოდ სხვა ლოგიკით მუშაობს.
ჰიბრიდები და ინვერტორის ცალკე კონტური
ჰონდას ჰიბრიდებს, ანუ Insight-ს, Fit Hybrid-ს, Vezel-ს, Accord Hybrid-სა და CR-V Hybrid-ს, ორი დამოუკიდებელი გამაგრილებელი სისტემა აქვთ. ერთი ძრავისთვისაა, მეორე კი ინვერტორისა და დენის მართვის ბლოკისთვის. ორივეს ცალკე გამაფართოებელი ბაკი აქვს და Honda ორივესთვის ცისფერ Type 2 სითხეს ითხოვს.
ინვერტორის რადიატორის არხები ძრავის რადიატორზე ბევრად წვრილია. ნებისმიერი ნალექი, სილიკატის გელი იქნება ეს თუ მაგარი წყლის კირქვა, იქ სითბოგადაცემას აფერხებს, გადახურებული ინვერტორი კი ჯერ სიმძლავრეს ზღუდავს და მერე ჩერდება. ინვერტორის შეცვლა ჰიბრიდის ერთ-ერთი ყველაზე ძვირი რემონტია.
Zerex Asian Blue სილიკატის გარეშეა, სილიციუმის შემცველობით 10 ppm-ზე ნაკლები, შეიცავს ფოსფატს ნალექის საწინააღმდეგოდ და მაგარ წყალთანაც თავსებადია. სამივე თვისება სწორედ ამ ვიწრო არხების სასარგებლოდ მუშაობს.
ორი მკაცრი წესი ჰონდისთვის
წესი პირველი: გააზავეთ ჩასხმამდე. Honda პირდაპირ წერს, რომ სისტემაში სუფთა კონცენტრატი ან სუფთა წყალი არ ჩაასხათ. ჩვენი პროდუქტი კონცენტრატია, ამიტომ ჯერ ცალკე ჭურჭელში აურიეთ 50/50 და მხოლოდ მერე ჩაასხით.
წესი მეორე: არ აურიოთ. Honda-ს სახელმძღვანელო აკრძალვას პირდაპირ ჩამოთვლის: მწვანე Type 1, ვარდისფერი Toyota და Subaru, ნარინჯისფერი Dex-Cool, ყვითელი უნივერსალური. შერევისას ინჰიბიტორები ერთმანეთს ანეიტრალებენ და შლამი ჩნდება.
ინვერტორის კონტურის სითხის შეცვლას Honda დილერს ავალებს, რადგან იქ ჰაერის გამოდევნის ცალკე პროცედურაა. სითხე ჩვენგან იყიდეთ, სამუშაო კი პროფესიონალს მიანდეთ.